Tuesday, April 29, 2008

Ang Pilipinas @ 4/29/2008 01:35:00 PM

wala na, kupas na talaga ang Pilipinas. konti lang kasi yung napoproduce, at dahil sa populasyon natin, masyadong mataas ang consumption rate kumpara sa production. kaya hindi talaga mawawala ang kakulangan, gutom, hirap. lahat yan, problema ng Pilipinas. baon na baon na nga tayo sa utang, hirap na hirap na tayo sa buhay, wala nang masyadong trabaho, tapos pataas pa ng pataas mga presyo ng langis, pagkain, bilihin. parang noon lang naikwento ng lolo ko na ang pancit nun .25 lang. ngayon? nakakalampas ng ng isang daan ang isang bilao. kung magpapatuloy to, sa tingin niyo, ano na kayang itsura ng Pilipinas? kamusta kaya mga tao?

sa panahon ngayon, domino effect na lang ang nangyayari. dahil sa kakulangan ng trabaho sa Pilipinas, yung mga kabtaan napipilitan mag aral ng nursing, para makapunta sa abroad. dun daw kasi, may pera. kaya hala, sige! pagkatapos grumaduate, ayan, sugod na! pero paano naman yung mga nagkakasakit dito sa Pilipinas? wala nang nars, yung mga doctor, nagaaral na din ng nursing para lang makaalis na rin dito. pero hindi naman natin masisisi kung ganun. gusto lang naman din talaga nilang makatulong sa sarili nilang pamilya. wala nga kasing masyadong job opportunities dito sa bansa at kung meron man, maliit ang sweldo kumpara sa mga sweldong aabutin mo sa ibang bansa. gusto mo man makatulong sa kapwa Pilipino mo, human nature na ang pagiisip muna sa mas prayoridad mo- ang sarili o pamilya mo.



hindi na maaalis yan, kay PGMA talaga mailalaglag lahat. kitang kita naman sa mga naganap na impeachment at rallies diba? nung uso pa yung tungkol sa impeachment sa knya, hindi maikakaila ang mga nagkabanggaang opinyon at komento sa mga nagaganap. sa school pa lang pag may balitaan, yan agad.. tatatatatatatata, tagum debate ika nga. hindi ko aakalain na hanggang sa simbahan magiging homily din yun ni Father. pero may napulot naman ako kahit papano. "kahit sino naman ipalit mo diyan eh, kung kurakot, wla talagang mangyayari." nung puntong yun, ang sarap buhayin ni Ex President Ramon Magsaysay (May you RIP) kasi para sakin, siya talaga nagtaguyod nito. siya lang yung naging matapat sa bayan. Kelan pa kaya uli yun noh? sana makahanap na uli tayo ng presidente na hindi iniisip sarili niya, yung hindi mabubulag sa pera o kayaman o kapangyarihan. yung presidenteng gagamitin yung kung ano mang meron siya para makatulong.

ang power kasi, nakakbulag na din. nahyhypnotize ka siguro kaya yun ganun. sa smallville pa lang eh, dahil mayaman si Lex Luthor, nagagawa niya kahit ano. dahil mapera siya, lahat nacocontrol niya. maganda sana kung yung kapangyarihan na yun nagagamit sa kabutihan. parang yung mga telefantasya lang na napapanuod natin sa mga local tv stations tulad ng darna, super twins, lastikman etc. o kaya sa mga superhero movies tulad ng famous line ni uncle ben na "with great power, comes with great responsibilty" at yung pagtulong ni batman sa gotham city kahit wala talaga siyang super powers. nabigyan sila ng kapangyarihan.. nasa kanila na yun kung saan nila gagamitin. pero ang gandang isipin na pinili nilang lumaban para sa kabutihan. sana pala buhay rin yung mga superheroes na yun noh. sana merong real life na ganun, hindi lang tayo magcocostume at magpepretend na isa tayong superhero.

hindi na natin masisisi ang mga nangyayari ngayon. wala na tayong panahon para magbunganga at mag rally ng mag rally. kung ako sa inyo, uumpisahan ko na ang pagbabago. at sana, kayo din makisunod. pag nagawa natin yun, kahit ang mga mas matataas sa atin, mahahatak natin sa kaunlaran.